Ditën e sotme janë publikuar online disa foto nga aksidenti i frikshëm, që ndodhi vitin e kaluar në aeroportin e Moskës, ku 41 persona humbën jetën.
Sipas mediave të huaja, fotot që tregonin avionin e pasagjerëve të përfshirë në flakë janë zbuluar së fundmi në seancën gjyqësore për rastin në fjalë.
Kapiteni i avionit, Denis Evdokimov i cili u dënua për neglizhencë, pretendon se avioni ishte goditur nga rrufeja pak pas ngritjes, ndaj ai ka bërë ulje të detyruar në aeroport.
Komisioni hetues tha se Evdokimov është akuzuar me shkelje të rregullave të sigurisë dhe komandim neglizhent të avionit, që çoi në vdekjen e shumë njerëzve dhe plagosjen e disa të tjerëve.
“Dështimi i tij në kontrollimin e avionit Superjet, rezultoi në shkatërrimin e mjetit, vrasjen e 40 pasagjerëve dhe të një anëtari të ekuipazhit. Dhjetë njerëz u plagosën dhe 37 shpëtuan të gjallë”, u tha në seancën gjyqësore.
