Nesër do te diskutohet dhe miratohet varianti i ri i ligjit për Teatrin Kombëtar. Kaq ka mjaftuar që të aktivizohen krerët kryesorë të mazhorancës, kjo në funksion të miratimit të këtij ligji.
Një ditë para seancën plenare, që në orët e para të ditës, kryeministri Edi Rama ka shkuar në Kryesinë e Kuvendit, ku po mban një takim me kryeparlamentarin Gramoz Ruçi.
Këtë rutinë takimesh me kreun e parlamentit, Rama e ka bërë edhe vite më parë me Ilir Metën, dhe e ka argumentuar me nevojën për t’u konsultuar për seancën e së enjtes.
Shqetësimi i Ramës për kalimin e ligjit duket se është i madh, kjo reflektuar nga marrja me vete në takim edhe e relatorit të ligjit special për Teatrin, Ilir Beqajt, dhe e dy bashkëpunëtorëve më të ngushtë: Sekretarit të Përgjithshëm Engjëll Agaçi, dhe Shefes së Kabinetit, Vali Bizhga.
Gjatë këtij takimi po kaq të bujshëm pritet të diskutohen ndryshimet ligjore per çështjen e Teatrin Kombëtar, ndërkohë që po nga takimi do të dalin të gjitha masat për koordinimin e votimit të ketij ligji.
https://tiranatoday.com/rama-takim-urgjent-me-rucin-dhe-veliajn-cfare-po-ndodh/
