Opozitarja bjelloruse, Maria Kolesnikova, është ndaluar nga autoritetet vendase nën akuzën e “veprimeve që minojnë sigurinë kombëtare”.
Akuza e njoftuar nga komiteti hetimor i vendit, është veprimi i radhës kundër udhëheqësve të opozitës nga presidenti Alexander Lukashenko. Dënimi maksimal për këtë akuzë është 5 vite burg.
Pak kohë më parë, Kolesnikova i shpëtoi një përpjekjeje të agjentëve të sigurimit të Lukashenkos, të cilët donin ta depërtonin jashtë vendit.
Në një deklaratë për mediat, Kolesnikova tha se zyrtarët e sigurisë i kishin thënë se do të largohej nga vendi “ose e gjallë ose në copa”.
Ajo është bërë një nga udhëheqëset më të larta të protestave të fundit “anti-Lukashenko” në Bjellorusi. Aktualisht Kolesnikova ndodhet në paraburgim policor.
