Mëngjesin e sotëm, një aksident është shënuar në afërsi të rrethrrotullimit të Poshnjes në Urë-Vajgurore. Autobusi i linjës Skrapar-Tiranë, ka devijuar nga rruga për shkak të shpejtësisë dhe ka përfunduar në kanal.
Paraprakisht bëhet me dije se autobusi ka bërë një frenim të detyruar, pasi i ka dalë përpara një fëmijë. Gjatë frenimit ka rrëshqitur dhe është përmbysur në kanal. Nga aksidenti, fatmirësisht nuk raportohet për të lënduar.
Drejtuesi i mjetit që shkaktoi aksidentin, do të shoqërohet nga policia për të dhënë deklarimet në lidhje me këtë ngjarje.
Në vendngjarje kanë shkuar ekspertë të policisë rrugore, që po punojnë për zbardhjen e plotë të shkaqeve të aksidentit. Sipas policisë, aksidenti ka ndodhur për shkak të lagështirës dhe frenimit të detyruar të autobusit.
