Toka australiane po kalon periudhën e saj më të vështirë në këtë fillim dekade. Zjarre gjigante, përmbytje, breshër dhe stuhi rëre që mbulojnë qytete të tëra. Sikur të mos mjaftonte, tashmë ndodhet nën një tjetër kërcënim – merimangat vdekjeprurëse, shkruan CNN.
Sipas zyrtarëve australianë, pas ndryshime të shumta që ka kaluar vendi këto javë, ku mungesa e ushqimit ka vënë në rrezik shumë gjallesa, në zona të ndryshme është vënë re një aktivitet i shtuar i disa merimangave autoktone që janë vdekjeprurëse.
Ato njihen si merimangat rrjetë-hinkë dhe kanë një helm shumë të fuqishëm, i cili vepron shpejt në sistemin e njeriut dhe çon në vdekje të menjëhershme.
“Për shkak të reshjeve të fundit dhe tashmë ditëve të ngrohta që po i përjetojmë, merimangat rrjetë-hinkë kanë filluar të lëvizin”, tha zëdhënësi i një prej parqeve, Daniel Rumsey.
“Ky lloj i merimangave janë ndër llojet më të rrezikshme në botë sa i përket kontaktit me njerëz dhe ne duhet ta trajtojmë këtë çështje shumë seriozisht”, shtoi ai.
