Një tërmet i fuqishëm ka tronditur brigjet veriore të Australisë ditën e sotme.
Sipas Daily Mail, lëkundjet e tërmetit me magnitudë 6.0 ballë të shkallës Rihter janë ndier në të gjithë kontinentin. Ndërkohë mediat vendase kanë qetësuar qytetarët, teksa deklaruan se nuk ka asnjë kërcënim për tsunami si pasojë e lëkundjeve.
Qendra Sizmologjike Mesdhetare Evropiane (EMSC), e regjistroi thellësinë e tërmetit 49 km nga sipërfaqja e tokës. Nuk raportohet për persona të lënduar apo dëme materiale.
