Australia ka nisur hetimet për të zbuluar nëse mpiksja e gjakut ka lidhje me vaksinën AstraZeneca, pas ditës së premte ku u verifikua rasti i parë i mpiksjes së gjakut pas injektimit të dozës.
Ky hetim nisi nga shqetësimi që u shpreh nga një komb i tërë, të cilët janë në pritje të marrjes së vaksinës AstraZeneca dhe nuk kanë siguri nëse kjo do i shpëtojë nga virusi apo do ju sjellë një mpiksje gjaku, shktuan The Guardian.
Një burrë 44 vjeç u shtrua në një spital të Melburnit me mpiksje gjaku pasi mori vaksinën AstraZeneca, duke pësuar trombozë serioze.
“Hetuesit nuk kanë konfirmuar në këtë kohë një lidhje shkakësore me vaksinën Covid-19 AstraZeneca, por hetimet janë duke vazhduar,” tha zëvendës shefi mjekësor, Michael Kidd.
Të enjten, Britania identifikoi 30 raste të ngjarjeve të rralla të mpiksjes së gjakut pas përdorimit të vaksinës dhe disa kombe, përfshirë Kanadanë , Francën , Gjermaninë dhe Spanjën , kufizuan përdorimin e saj pas raporteve të ngjashme.
