E martë, 27 Korrik, 2021
32.5 C
Tirana

“Audi me 200 km/h”, gazetarja tregon detajet e aksidentit: Shoferi problematik

Zbardhen detaje të reja në lidhje me aksidentin tragjik të ndodhur mëngjesin e sotëm në aksin rrugor Fier-Vlorë, ku u shua një familje me 4 anëtarë.

Në studion e ABC News, gazetarja Xhensila Kodra deklaroi se shkaku i aksidentit të rëndë ishte shpejtësia tej normave të lejuara, teksa raportohet se 22-vjeçari Igli Madani ka qenë me një shpejtësi 200 km/h në momentin e aksidentit, dhe e ka goditur nga pas makinën tip “Toyota” që udhëtonte familja Gushi.

Kodra shtoi se sipas ekspertizës në vendin e ngjarjes, mjeti tip “Audi” ka bërë disa herë frenime të forta në rrugë duke lënë edhe gjurmë të gomave në asfalt dhe më pas ka përplasur mjetin tip “Toyota”.

Ndër të tjera, gazetarja u shpreh se i riu që shkaktoi aksidentin, kishte dy gjoba për parakalim të gabuar si dhe një tjetër për shkelje të sinjalistikës rrugore, konkretisht për semafor të kuq.

“Makina tip “Audi” ka qenë tej normave të lejuara duke iu referuar burimeve, nga grupi hetimor që ka shkuar në vendin e ngjarjes, makina ka pasur një shpejtësi tej normave. Paraprakisht nga të gjitha matjet dhe ekspertët e policisë rrugore, flitet se makina “Audi” ka pasur një shpejtësi rreth 200 km/h. Shpejtësi e lartë kjo në krahasim me limitin në aksin ku ndodhur aksidenti. Limit është 110 km/h. Ekspertiza përfundimtare pritet të dalë dy ditë më pas. Shpejtësia ka qenë kryesorja e aksidentit. Ndërkohë makina “Toyota” lëvizte më shpejtësi 90-100 km/h. Është kontrolluar Audi i 22 vjeçarit. Nuk ka pasur alkool dhe lëndë narkotike se kishte dyshime për gjendje të dehur. I është bërë testi i alkoolit dhe drogës po nuk ka pasur prezencë të substancave, deri në këto momente kjo është komunikuar. Vetëm kjo akuzë e tejkalimit të shpejtësi dënohet nga 5 deri në 20 vjet heqje lirie.”, tha gazetarja.

Lexo edhe :   Kroaci/ Aksidenti tragjik, prokurori: Shoferin e zuri gjumi

Viktimat, nga Patosi i Fierit

Katër viktimat e aksidentit të sotëm në autostradën Fier-Vlorë, në vendin e njohur si “Kripë”, janë nga Patosi i Fierit. Familja u shua sot në aksin Fier-Vlorë, pranë fshatit Panaja, ose zonës së njohur si “Kripa”. Familja sapo kishte ardhur nga Greqia, dhe po shkonte me pushime, ndërsa çantat dhe valixhet që ndodheshin në makinën e tyre tip “Toyota” janë shpërndarë në rrugë.

Lexo edhe :   Kroaci/ Dalin detaje, viktimat një shofer dhe 9 pasagjerë, 44 në spital

Aksidenti tragjik në vendin e quajtur “Zona e Kripës” në hyrje të Vlorës, i mori jetën Eduart Gushit, 44 vjeç, bashkëshortes Silvana Gushi 33 vjeç dhe dy vajzave Anastasia Gushi 14 vjeç dhe Eva Gushi, 9 vjeç.

- Reklama -

Më shumë nga kategoria




Të fundit

BE: 70% e qytetarëve të vaksinuar me së paku një dozë

Presidentja e Komisionit Evropian, Ursula von der Leyen, tha se 70 për qind e qytetarëve të rritur të BE-së kanë marrë së paku një...

Emri/ Kush është personi i dyshuar për trafik droge, që i shpëtoi policisë

Zbardhet emri i personit i cili arriti që t'i shpëtonte operacionit të policisë ditën e sotme, në zonën e ''Varrit të Bamit'' në kryeqytet,...

Koronavirusi/ Brataj: Delta ka edhe 3 variante të tjera

Kreu i Urgjencës Kombëtare, Skënder Brataj deklaroi se varianti indian i koronavirusit, Delta pritet që të mbizotërojë të gjithë botën, dhe se ky mutacion,...

Covid/ Mbi 3,600 testime në 24 orët e fundit, numri i rasteve aktive në rritje

Situata epidemiologjike në vendin tonë mbetet e qëndrueshme. Ministria e Shëndetësisë bën me dije se në 24 orët e fundit, janë regjistruar 31 raste...

Gërdeci/ Kreu i SPAK: Çështjes së Mediut do t’i shkojmë deri në fund

Në Shqipëri, Gjykata e Posaçme e Shkallës së parë për Korrupsionin dhe Krimin e organizuar rrëzoi sot kërkesën e Prokurorisë së posaçme, SPAK, për...