Rastet e reja me koronavirus kanë rënë ndjeshëm në Wuhan të Kinës dhe duket se vendi dalëngadalë po “shërohet”, pasi së fundmi nuk është raportuar më për të infektuar.
Të gjendur përpara një “fitoreje” të tillë, pritet që Wuhan të dalë nga izolimi më 8 prill.
Njerëzit do të kenë mundësi që të lëvizin në bazën e një kodi shëndetësor.
Mirëpo fatkeqësisht s’mund të themi të njëjtën gjë për Italinë dhe disa shtete të Evropës, që po përballen me humbje të shumta njerëzish si pasojë e COVID-19.
Vendet e prekura kanë ndërmarrë masa të ashpra për të frenuar përhapjen e tij, duke mbyllur shkollat, bizneset dhe kufijtë.
Aktualisht, epiqendër e sëmundjes, sipas Organizatës Botërore të Shëndetësisë, është Evropa.
Virusi ka prekur mbi 381,000 njerëz në gjithë botën, ndërsa mbi 16,500 kanë humbur jetën.
