Burime për “Balkan Web” tregojnë si paraqitet gjendja shëndetësore e tre të plagosurve nga atentati i pak ditëve më parë te mbikalimi i Shkozetit.
Prokurori Arjan Ndoja dhe personi që udhëtonte me të, Landi Muharremi, i njohur me nofkën “Rrumi” ndodhen jashtë rrezikut për jetën.
Ndërsa shoferi i prokurorit, Andi Maloku shfaqet në gjendje kritike, i cili vijon te mbahet nën kontrollin intensiv të mjekëve të spitalit të Traumës në Tiranë. Mjekët thonë se është i ndërgjegjshëm, por një pjesë të trupit e ka ende te paralizuar.
Ditën e djeshme, policia arrestoi Radjan Rrajën, një prej autorëve të dyshuar të atentatit ndaj Ndojës. Ai u ndalua me urdhër të prokurorëve, Anton Martini e Besim Hajdarmataj, teksa tentoi të largohej nga Shqipëria.
