Pas gjashtë muajsh, Policia e Vlorës ka arrestuar 4 persona, të dyshuar si të përfshirë në atentatin e 10 majit të vitit 2019 ndaj Ines Hajrullës në qytetin e Vlorës.
Nga të shtënat me armë zjarri në drejtim të lokalit ku qëndronte Hajrulla, mbeti i plagosur një kalimtar i rastësishëm, Dajko Canodemaj, 63 vjeç.
Sipas njoftimit të policisë, në pranga përfunduan: Daut Elmazi 25 vjeç, banues në Vlorë, Albano Goxhaj 24 vjeç, banues në Fier, Dejvison Serjani 28 vjeç, banues në Tiranë dhe Ardjan Ahmeti 26 vjeç, banues në Tiranë.
Ines Hajrulla, i njohur ndryshe edhe si ”Ini i Çones” në Vlorë, është djalë i biznesmenit Robert Hajrulla.
Njoftimi i policisë:
Vlorë
Në vijim të punës intensive për zbardhjen e ngjarjeve kriminale të ndodhura më parë, Policia dokumenton ngjarjen e ndodhur në maj të 2019.
Finalizohet operacioni policor i koduar “Gjurmimi”.
Vihen në pranga 4 shtetas.
Në vijim të ngjarjes së ndodhur më datë 10.05.2019, në lagjen “Ujë i Ftohtë”, ku persona të paidentifikuar qëlluan me armë zjarri në drejtim të një lokali dhe si pasojë mbeti i plagosur 63-vjeçari D. C., ju informojmë se:
Policia e Vlorës, si rezultat i punës intensive hetimore prej 6 muajsh, nën drejtimin e Prokurorisë së Rrethit Vlorë, ka bërë zbardhjen e ngjarjes, identifikimin dhe kapjen e autorëve.
Specialistët e Seksionit për Hetimin e Krimeve ndaj Personit, në bashkëpunim me Drejtorinë e Forcave Operacionale, mbi bazën e informacioneve të marra në rrugë operative për vendodhjen e personave të dyshuar si autorë dhe bashkëpunëtorë në këtë ngjarje, kanë organizuar punën duke finalizuar operacionin policor të koduar “Gjurmimi”, si rezultat i të cilit kanë bërë ndalimin e shtetasve:
- D. E., 25 vjeç, banues në Vlorë;
• A. G., 24 vjeç, banues në Fier;
• D. S., 28 vjeç, banues në Tiranë;
• A. A., 26 vjeç, banues në Tiranë;
Në bashkëpunim të ngushtë me Prokurorinë, vijon puna për identifikimin dhe kapjen e personave të tjerë të përfshirë në këtë ngjarje.
Materialet iu referuan Prokurorisë, për veprime të mëtejshme.
Atentati në Vlorë, flasin familjarët e Inez Hajrulla: S’ka lidhje me dy vrasjet e bujshme
