Andi Maloku, shoferi i prokurorit Arjan Ndoja, i cili mbeti i plagosur në atentatin tek mbikalimi i Shkozetit është transportuar për në Spitalin e Traumës, pasi ndodhet në gjendje kritike për jetën. Nga frika e një atentati tjetër, dhjetëra forca policie kanë rrethuar godinën e spitalit.
Në atentatin që ndodhi sot në Durrës, dyshohet që shënjestra të ketë qenë prokurori Arjan Ndoja, i cili ndodhet jashtë rrezikut për jetën. Po ashtu në gjende të normalizuar shfaqet edhe i plagosuri tjetër, Aleksandër Laho, ose i njohur ndryshe si i “forti i Shijakut’’.
Ndërkohë, në Ishëm është gjetur një makinë e braktisur, brenda të cilës janë gjetur dy kallashnikovë dhe maska, të cilat dyshohet se janë përdorur nga atentatorët.
