Zbardhen detaje të reja nga të shtënat me armë zjarri të ndodhur pak minuta më parë në Shkodër.
Mësohet se një ndër të plagosurit, Shefi i Policisë Bashkiake të Malësisë së Madhe, Mentor Hasanaj ndodhet në gjendje të rëndë shëndetësore dhe është dërguar në Tiranë.
Në automjetin e policisë bashkiake me të cilën udhëtonte ishte dhe i ati, Xhelal Hasanaj i cili mbeti gjithashtu i plagosur, dhe bashkëshortja e tij Vjollca Hasanaj, e cila fatmirësisht nuk pati lëndime.
Sipas informacioneve të policisë, drejt tyre është qëlluar nga një person i paidentifikuar i cili po qarkullonte me motor.
