Pas ngjarjes së ndodhur në Lezhë, ku një mjet në lëvizje u qëllua me breshëri plumbash, një reagim është përcjellë nga Bashkia e këtij qyteti. Bashkia Lezhë dënon rastin, ndërsa sqaron se ngjarja nuk ka lidhje me punonjësin e administratës.
Rasti i rëndë ka ndodhur në autostradë pranë fshatit Tresh, ku është qëlluar me armë zjarri ndaj automjetit në të cilin lëvizte një punonjës i Bashkisë, Inspektor i INUV-it, së bashku me një tjetër shtetas që nuk është punonjës Bashkie. Po kështu, Bashkia i bën thirrje Policisë së Shtetit, që të kapë autorët.
Bashkia Lezhë
“Bashkia Lezhë dënon ngjarjen e ndodhur sot në autostradë pranë fshatit Tresh, ku është qëlluar me armë zjarri ndaj automjetit në të cilin lëvizte një punonjës i Bashkisë, Inspektor i INUV-it, së bashku me një tjetër shtetas që nuk është punonjës Bashkie.
Sa më lart, sqarojmë opinionin publik se kjo ngjarje nuk ka asnjë lidhje me punën e inspektorit tonë në Bashki, apo rrethana të tjera të kësaj natyre, siç dhe pohon vetë ai. Bashkia Lezhë i bën thirrje Policisë së Shtetit, të vejë para përgjegjësisë autorët e kësaj ngjarje, që cënon rendin dhe sigurinë publike”.
Breshëri plumbash mbi makinën në ecje, ja kush ishte shënjestra
