Mbrëmjen e djeshme, një çift u plagos me armë zjarri në rrugën “Kosova” në Kamëz. Preng Paluca, rreth 50-vjeç dhe bashkëshortja e tij Antoneta Paluca, rreth 41-vjeçe, u qëlluan e më pas u dërguan në spital, ku ndodhen nën kujdesin e bluzave të bardha.
Gilbert Hoxha, shef i sektorit të vrasjeve në DVP Tiranë, ka mbërritur mëngjesin e kësaj të diele në banesën e çiftit Paluca.
Shënjestra e atentatit që dyshohet të jetë bërë për hakmarrje ka qenë Preng Paluca, i cili është në gjendje të rëndë, ndërsa bashkeshortja është plagosur rastësisht dhe është jashtë rrezikut për jetën.
Njoftimi i policisë:
Rreth orës 22:15, në rrugën “Kosova”, Kamzë, në rrethana ende të paqarta, në afërsi të banesës së tyre, janë plagosur dyshohet me armë zjarri pistoletë, shtetasi Preng Paluca., rreth 50 vjeç dhe bashkëshortja e tij shtetasja Antoneta Paluca., rreth 41 vjeçe, të cilët u dërguan në spital, dhe ndodhen nën kujdesin e mjekëve.
Sherbimet e Policisë kanë shkuar menjeherë në vendngjarje, kanë bërë rrethimin e zonës dhe po kryejnë kontrolle me qëllim kapjen e autorit.
Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave të ngjarje, si dhe mbledhjen e çdo prove të mundshme që do çojë në identifikimin dhe kapjen e autorit.
