Policia ka zbardhur ngjarjen e ndodhur mesditën e sotme në Elbasan, ku mbeti i plagosur Elvis Çausholli, i njohur me nofkën ”Korçari’’.
Pas veprimeve hetimore, u bë e mundur arrestimi i tij, dhe u shpall në kërkim autori tjetër i kësaj ngjarjeje, shtetasi Migert Qosja.
Çausholli u konfliktua me Migert Qosjen, dhe të dy kanë qëlluar në drejtim të njëri-tjetrit me armë zjarri.
Pasi mbeti i plagosur, Çausholli tentoi të mjekohej në spitalin ushtarak në Tiranë, por u arrestua.
”Nga veprimet e para hetimore rezulton se Elvisi, duke drejtuar automjetin tip “Mazda”, është konfliktuar fizikisht me Migertin, i cili drejtonte automjetin tip “Ford” dhe më pas të dy palët kanë qëlluar në drejtim të njëri-tjetrit me armë zjarri. Si pasojë shtetasi Elvis Koçi është plagosur lehtë dhe për t’i shpëtuar Policisë, ka tentuar të mjekohej në spitalin ushtarak në Tiranë, por është arrestuar në flagrancë.’’, informon policia.
Materialet hetimore në ngarkim të dy shtetasve i kaluan Prokurorisë, për veprime të mëtejshme, për veprat penale “Vrasje me dashje” e mbetur në tentativë dhe “Armëmbajtja pa leje”.
Kush është “Korçari”
Çausholli, i njohur ndryshe edhe si “korçari” është një emër mjaft i njohur për policinë në Elbasan, pasi rezulton të jetë i përfshirë në disa ngjarje të tjera kriminale në qytet.
Nga informacionet e para, mësohet se nga dy makina është qëlluar drejt një makine në lëvizje ku ka qenë dhe objektivi i atentatit.
