Detaje të reja janë zbardhur nga të shtënat me armë që tronditën Elbasanin mesditën e sotme. Ngjarja ka ndodhur pas një sherri me armë në lagjen ‘Emin Matraxhiu’. Objektivi i atentatit ka qenë Ervis Çausholli, i cili u plagos në dorë.
Çausholli, i njohur ndryshe edhe si “korçari”, është një emër mjaft i njohur për policinë në Elbasan, pasi rezulton të jetë i përfshirë në disa ngjarje të tjera kriminale në qytet. Ky i fundit njihet si person me precedent penal. Ai është pjesë e një grupi kriminal në Elbasan, dhe i njohur kohët e fundit për disa krime në këtë qytet.
Ngjarja në Elbasan, ka ndodhur si pasojë e një konflikti të çastit mes drejtuesit të automjetit ‘Mazda’, dhe Çaushollit. Shoferi mësohet se e ka qëlluar me një kaçavidë dhe në përleshje e sipër Ervis Çaushlli, ka nxjerë armën dhe e ka qëlluar të paktën 5 herë. Deri në këto momente, ai ende nuk është ndaluar nga policia e Elbasanit.
Shoferi është transportuar në drejtim të spitalit rajonal në Elbasan, për ndihmë mjekësore. Policia ka shoqëruar dhjetë dëshmitarë okularë të atentatit të dështuar në zonën e stadiumit në Elbasan, të cilët kanë qenë aty kur u qëllua me breshëri ndaj një makine në lëvizje.
Ata ndodheshin në skenën e ngjarjes kur ndodhën të shtënat me breshëri në drejtim të makinës tip “Mazda”.
