Të tjera detaje kanë dalë lidhur me Redjan Rrajën, një nga autorët e përfshirë në atentatin ndaj prokurorit Ndoja te mbikalimi i Shkozetit.
Sipas “Report Tv”, gjurmët e gishtërinjve të lëna mbi syze kanë çuar në identifikimin jo vetëm të Rrajës, por edhe të njohurin e tij që është shpallur në kërkim nga policia.
Prokuroria ka munduar të sekuestrojë dy palë syze në bordin e mjetit të braktisur nga atentatorët. Njëra me gjurmët e gishtërinjve të Rrajës dhe tjetra me gjurmë tashmë të identifikuara të një tjetër personi në kërkim.
Këto prova po analizohen së bashku me elementë të tjerë si analiza ADN-je, qeliza telefonike, deklarime, pyetje dëshmitarësh për të provuar skemën e atentatit, personat e përfshirë dhe rolet e tyre.
Ditën e djeshme, Gjykata e Krimeve të Rënda caktoi masën e sigurisë “arrest me burg” për Redjan Rraja, si person të dyshuar për përfshirjen në atentat.
