Një ditë më parë një shqiptar mbeti i plagosur në Itali, pasi në drejtim të tij u qëllua me armë zjarri. Ai është 23-vjeçarit shqiptar, Rodeo Sinjari. Policia pas ngjarjes është vënë në ndjekje të autorëve, ku ka bërë të munduar arrestimin e tre të dyshuarve.
I riu nga Durrësi mori një plagë në këmbë mbrëmjen e djeshme gjatë një atentati në Savona. ‘Ansa’ shkruan se shqiptari banonte në Toirano, ndërsa iu bë pritë në Olivette. Durrsaku shpëtoi për fat nga vdekja, pasi në nxitim e sipër u fut në një dyqan cigaresh elektronike dhe mundi të strehohej, duke i shpëtuar breshërisë së plumbave.
Por emri i shqiptarit nuk ishte i panjohur për autoritete italiane pasi ai ishte përfshirë në një sherr në gusht të 2015-ës me gazetarin Vittorio Brumotti e “Striscia la Notizia”, bashkë me familjen e tij. Ky i fundit mori dëmtime të mëdha në fytyrë, përkatësisht në sy.
SHERRI ME GAZETARIN E “STRISCIA LA NOTIZIA”
Vittorio Brumotti, gazetari i njohur italian i “Striscia la notizia”, u dhunua më 19 gusht të vitit 2015 nga i riu shqiptar, Rodeo Sinjari dhe babai i tij. Brumotti, ka qenë kampioni italian në disiplinën sportive ‘Bike Trial’ e njëkohësisht gazetar televiziv në programin “Striscia la notizia” në Kanale 5. Ngjarja ndodhi në provincën e Savonës, ndërsa pas sherrit me shqiptarët rrezikoi seriozishet syrin e tij. Gazetari një ditë pas ngjarjes së rëndë deklaroi se ishte trembur për vdekje dhe madje kishte menduar se mund të vdiste.
