Për shkak të plagëve të rënda të marra pas shpërthimit të mjetit, drejtuesi i mjetit tip “Benz”, shtetasi me inicialet A.S., ka ndërruar jetë. Policia dyshon për lëndë eksplozive të vendosur në mjetin e të ndjerit. 27-vjeçari ka ndërruar jetë në spital. Ngjarja e rëndë ndodhi në orën 13:35, në afërsi të TEG-ut.
Njoftimi i policisë
Në lidhje me lajmin e dhënë pak më parë se në afërsi të TEG-ut, në automjetin tip “Benz”, në pronësi të shtetasit A. S. ka shpërthyer, dyshohet lëndë eksplozive, ju informojmë se: Si pasojë e plagëve të marra, drejtuesi i mjetit, shtetasi A. S. ka ndërruar jetë në spital.
Grupi hetimor vijon punën për zbardhjen e plotë të rrethanave të ngjarjes, identifikimin dhe kapjen e autorëve.
