Prej së hënës, OFL ka nisur goditjen dhe sekuestrimin e emrave të njohur të botës së krimit. Gazetari Artan Hoxha zbuloi në emisionin “Opinion” se shumë nga ‘kokat’ e krimit të organizuar në vend janë të lirë, madje janë liruar nga burgu me vendim gjykate. Duke iu referuar OFL-së, Artan Hoxha ka deklaruar se për kapjen e këtyre personave nuk duhet bërë show, por duhet të punohet me teknika dhe përgjime.
“Ai personi atje është i lirë në Gjermani, ai Dervishaj. Lulzim Berisha është i lirë, atij që i bënë atentat (Plarent Dervishajt) meqë i kanë gjetur atentatorin thonë hajde të sekuestrojmë pasurinë.
Ky është problemi i kësaj liste që kanë bërë. Ardian Çapja po ashtu, nuk është i dënuar. Suel Çela po ashtu mori pafajësi. Emiljano Hysenaj dhe ai tjetri janë në burg në Gjermani, kanë sjellë nga Ekuadori kokainë dhe kanë sjellë 1.8 ton kokainë.
400 milionë euro thoshte policia gjermane dhe këta shkojnë i kapin papaqin. Problematika është që ti ke persona që janë të lirë të padënuar, me pasuri dhe biznese të deklaruara. Me letra t’i duhet të punosh me inteligjencë jo me kallashë, ata kapen me përgjime, me teknika. Ai nuk kapet duke bërë show”, u shpreh Artan Hoxha.
