Astrologia Meri Shehu është shprehur në emisionin “Goodmorning Albanians” se Sali Berisha dhe Ilir Meta janë dy shenja të kundërta të horoskopit që janë bërë bashkë në një nismë, siç është marrëveshja për zgjedhjet e ardhshme.
Meta i cili është Dash në horoskop dhe Berisha, Peshore, sipas astrologes mund të kenë sukses në zgjedhjet që zhvillohen në maj, duke qenë se në maj Hëna është në Dash dhe mund të ndihmojë Metën.
“Janë dy të kundërta që janë lidhur bashkë. Nëse flasim për zgjedhjet, ato do bëhen në maj. Kjo ndihmon Dashin, mund ta ndihmojë Metën, mund ta ndihmojë edhe Peshoren, Berishën meqë janë bashkë. Dashi po fitoi në maj, merr edhe paratë”, tha astrologia.
E pyetur lidhur me kryeministrin Edi Rama që është Gaforre, astrologia tha se kjo shenjë ka një problem këto kohë, një prapaskenë që do e shoqërojë deri në janar dhe është thikë me dy presa.
Partia Demokratike e drejtuar nga Sali Berisha dhe Partia e Lirisë me kryetar ish-presidentin Ilir Meta, firmosën një marrëveshje për të garuar me kandidatë të përbashkët në zgjedhjet vendore që do të mbahen më 14 maj të vitit 2023. Marrëveshja me gjashtë pika u nënshkrua nga krerët e dy partive. Sipas këtij dokumenti, dy partitë opozitare do të dalin me kandidatë të përbashkët në zgjedhjet e ardhshme vendore, të cilët do të vendosen nga rezultati i konkurrimit në primare që do të organizohen nga PD-ja.
