Gjatë një takimi me mjekët e Spitalit Infektiv, kreu i qeverisë Edi Rama ka deklaruar se nuk do të ketë sërish izolim për popullatën, për shkak të COVID-19.
Sipas Ramës, izolimi nuk është opsion i vazhdueshëm, pasi sjell dëme dhe shkatërrime të tjera ekonomike dhe psikologjike.
Kryeministri ka thënë më tej se kjo betejë nuk zhvillohet vetëm në spital, dhe se çdokush do të bëjë rolin e vetë.
“Larg qoftë të kishte ndodhur kjo disa vite më parë, tek kjo do ishte një katastrofë. Kemi një sfidë të madhe publike.
Siç e kanë thënë të gjithë specialistët e shëndetit. Siç e thonë të tërë sot, kjo betejë nuk zhvillohet vetëm në spital.
Çdokush do të bëjë rolin e vet. Ndërkohë që virusi ju e keni thënë, nuk ka ardhur për të ikur as për 3 javë, as për 4 javë as për 4 muaj. Për një periudhë që askush nuk e di sa do të zgjasë.
Nuk ja bëjmë dot ndryshe. Nuk zgjedhim dot mbylljen dhe izolimin si opsion të vazhdueshëm, sjell dëme dhe shkatërrime të tjera. Jo vetëm në aspektin ekonomik por edhe social”, tha Rama.
