Në sajë të operacionit antikanabis, policia e Shkodrës ka asgjësuar 361 bimë kanabis.
Kjo e fundit u gjet në një zonë të pyllëzuar në vendin e quajtur “Ngjitur dhe sipër Përroit të Fosekut”, në fshatin Kroni i Madh, dhe në vendin e quajtur,” Qafa e Erzës”, në fshatin Bene, Njësia Administrative Shllak, Vau Dejës.
Gjithashtu, policia ka nisur procedim penal në gjendje të lirë për tre persona për veprën penale “Moskallëzim krimi”, konkretisht për:
N. M, 30 vjeç, banues në fshatin Kroni i Madh , Njësia Administrative Shllak , Vau i Dejës, me detyrë kryetar i fshatit Kroni i Madh.
D. L. 65 vjeç, banues ne fshatin Bene , Njësia Administrative Shllak, me detyrë kryetar i fshatit Bene
M. L. 26 vjeç, banues ne fshatin Gegaj , Njësia Administrative Shllak Vau i Dejës, me detyrë punonjës i pyjores pranë Bashkisë Vau i Dejës.
Po punohet për identifikimin dhe kapjen e autorit/ve të përfshirë në këtë aktivitet kriminal.
Gjithashtu nga shërbimet e Komisariatit të Policisë Pukë gjatë kontrollit në malin e fshatit Srriqe, Njësia Administrative Qafë Mali, Pukë, u gjetën 194 bimë të dyshuara kanabis sativa.
Po punohet për identifikimin dhe kapjen e autorit/ve të përfshirë në këtë aktivitet kriminal.
