Ndryshe nga sa ishim mësuar të shihnim me një veshje serioze, jashtë tonaliteteve, Arta Marku surprizoi anekënd sot në Kuvend. Duke lënë pamjen e jashtme, kryeprokurorja Arta Marku prezantoi sot raportin e përgjithshëm të Prokurorisë për vitin 2017.
Pavarësisht bilancit të pasqyruar sot, ka diçka që nuk shkon në këtë çështje. Janë vetëm 12 ditë punë ato për të cilat shkon të raportojë Marku, dhe këtë detaj domethënës e ka sjellë në vëmendje politologu Afrim Krasniqi, i cili shkruan:
“Paradoks në emër të procedurës: Prokuroria e Përgjithshme (e përkohshme) raportin në Kuvend me 20/9/2018 për institucionin + punën e tij gjatë 2017 kur vete ajo është zgjedhur me 18.12.2017! Pra, ka drejtuar 12 ditë gjatë 2017! Natyrisht 0 diskutime. Kuvendi, i vonuar dhe formal!”.
Basha ka sulmuar haptazi kryeprokuroren Arta Marku, duke e cilësuar si një shërbëtore të Ramës. “Prania e kryeprokurores kukull të Ramës në Kuvend, është certifikata e vjedhjes”, u shpreh Basha nga Vlora.
“Arta Marku është shërbëtore e Ramës, dhe jo prokurore e Republikës. Prania e kryeprokurores kukull e Ramës në Kuvend është certifikata e vjedhjes, nëse do të kishte shkuar me pranga dhe tërhiqte zvarrë një dyzinë hajdutësh dhe politikanësh të lidhur me krimin në atë sallë, që bashkë me pjesën tjetër të rilindësve dele që po bëhen gati për aktin e vjedhjes”, përfundoi Basha.
