Një shqiptar i cilësuar si bosi i trafikut të kokainës është arrestuar nga policia federale gjermane.
Bëhet fjalë për Artan Seferi, 32-vjeç, i cili vuante dënimin me arrest shtëpie në zonën e Padovas, Itali.
Mësohet se shqiptari arriti të arratisej dhe të fshihej falë disa të afërmve të tij që kishte në Gjermani, por u arrestua falë një bashkëpunimi mes Policisë Federale gjermane dhe asaj të Padovës.
Seferi, menaxhoi për vite me radhë një treg të lulëzuar të drogës në provincat e Padovës, Trevisos dhe Vicencës, teksa shiste kokainë dhe heroinë, me furnizime që nisnin nga disa gram e deri në 1 kg në të njëjtën kohë, duke përfituar deri në 120 mijë euro në muaj, çka i ka lejuar atij një jetë luksoze.
Seferi, ndryshonte dy makina brenda një muaji, kryesisht makina luksove, të blera në sajë të përfitimeve nga trafiku i drogës.
