Kryeministri Edi Rama ka reaguar edhe sot në lidhje me protestën e djeshme të opozitës, teksa shprehu dhe vlerësimet e tij ndaj Policisë së Shtetit.
Kreu i qeverisë ka shpërndarë në rrjetin e tij social ‘Facebook’ fjalimin e ministrit të Brendshëm, Sandër Lleshaj, i cili tha se strukturat e Policisë treguan nivel të lartë dhe aftësi profesionale duke mos toleruar aktet e dhunshme në protestë.
Më tej, Rama është shprehur se policia dhe një tjetër shembull dinjiteti në krye të detyrës, ndërsa dhunuesit sipas tij, dhanë një tjetër arsyer për t’u braktisur nga çdo qytetarë i denjë.
“Policia e Shtetit dha dje një tjetër shembull kuptimplotë dinjiteti në krye të detyrës, ndërsa dhunuesit e saj një tjetër arsye për t’u braktisur nga çdo qytetar i denjë i kësaj republike – Komunikim publik i Ministrit të Brendshëm, Sandër Lleshi”, shkruan Rama në “Facebook”.
Policia e Shtetit ka njoftuar se janë arrestuar 37 persona, të cilët ushtruan dhunë gjatë protestës së djeshme, ndërsa ka proceduar penalisht edhe 23 të tjerë.
