Ambasada Italiane në vendin tonë ka reaguar pas operacionit të policisë shqiptare dhe anti-mafias italiane, ku në pranga ranë 38 shtetas për trafik droge, korrupsion, abuzim me detyrën dhe pastrim parash.
Ambasada ka përcjellë detajet në lidhje me këtë operacion, ku mbetën të arrestuar prokurorë, shefa policie, drejtorë dhe persona të tjerë të përfshirë në vepra të ndryshme penale.
Autoritetet italiane dhe ato shqiptare zhvilluan një operacion të përbashkët kundër trafikut të drogës, i cili ka çuar në ekzekutimin e 38 urdhër arrestesh për trafik ndërkombëtar droge. Në këtë operacion është zbardhur “zinxhiri i furnizimit” të drogës në lidhje me kultivimin, prodhimin, grumbullimin, magazinimin dhe dërgesën në brigjet e Puglias.
