Presidenti Ilir Meta, ka komentuar për herë të parë masën “arrest shtëpie”, të dhënë nga Gjykata e Krimeve të Rënda për ish-ministrin e Brendshëm Saimir Tahiri. Kreu i shtetit për gazetarët është shprehur se: “Drejtësia të veprojë në mënyrë të pavarur në respekt të shtetit të së drejtës”.
Këtë komet Presidenti i ka bërë nga Cërriku, ku ishte i pranishëm në Panairin e Agrobiznesit dhe Artizanatit.
Presidenti Meta, u prit në Cërrik nga Kryetari Bashkisë, Altin Toska, autoritetet vendore, deputetë të Elbasanit e qindra banorë.
Presidenti Meta mori pjesë edhe në ceremoninë përkujtimore të 75-vjetorit të Batalionit partizan të Dumresë. Presidenti Meta vendos kurora me lule në memorialin kushtuar Batalionit partizan të Dumresë.
“Kënaqësi e veçantë të marr pjesë ne ketë përvjetor jubilar dhe të vizitoj Cërrikun. Nderim sakrificave të rinisë dhe rezistencës partizane që udhëhoqi Luftën Nacional- Çlirimtar. Momenti të përkulemi me respekt para dëshmoreve të LANÇ. Të kujdesemi më shumë për monumentet e LANC dhe gjithçka që lidhet me luftën partizane. Sot jemi pranë hapjes se negociatave me BE, kjo ka qenë një ëndërr e dëshmoreve tanë, e partizaneve tanë. Lavdi të përjetshme LANC dhe gjithë dëshmorëve të atdheut”, tha Meta.
