Manchester City ka fituar derbin e qytetit me rezultat 1-2 në “Old Trafford”. Një fitore që bën të mundur edhe “arratisjen” në kampionat ndaj ndjekësve më të afërt United, ku tashmë diferenca mes tyre ka shkuar në 11 pikë. U luajt vetëm java e 16 e kampionatit dhe diferenca është e parikuperueshme deri në fund të kampionatit.
Në fundin e pjesës së parë pas një rrëmuje në zonën e Manchester United, topi përplaset tek Lukaku dhe shkon në këmbët e David Silvës i cili e dërgon në rrjetë.
Vetëm pas tre minutash është Rashford që gjen golin e barazimit, për të mos e mbyllur pjesën e parë në humbje. Goli vjen pas një krosimi dhe është Delph që nuk i gjen kohën topit duke bërë që Rashford të dalë i vetëm përballë portierit dhe e mposht me mjaft lehtësi.
Pjesa e dytë nis në ritmet e të parës ku janë sërish”qytetarët” që dominojnë ndaj ‘djallit”. Vetëm pas 10 minutash do të gjen edhe golin e dytë në të njëjtin mënyrë si të parin, ku pas një rrëmuje në zonë këtë herë është Otamendi që gjendet i vetëm përballë De Geas dhe godet mjaft mirë duke e dërguar topin në rrjetë.
Pavarësisht zëvendësimeve që Mourinho bëri duke rritur lojën ofensive, “djajtë” nuk arritën që të ndryshonin rezultatin. Një rast në fundin e takimit me Lukakun i cili godet nga shumë pranë, por topi ndalet në fytyrën e portierit Ederson, provon edhe Mata por pa sukses. Pasi ka fituar 15 dhe barazuar 1 nga 16 ndeshjet e luajtura, Manchester City ka 46 pikë, 11 pikë më shumë se Manchester United dhe 14 pikë më shumë se Chelsea, kampion në fuqi, që u mposht 1-0 nga West Ham, ditën e shtunë.
