Armina Mevlani tregoi në emisionin “Goca dhe Gra” planet e dasmës, për të cilën tha se ka tre vite që përgatitet. Ajo u shpreh se dita e kurorëzimit do të jetë në fund të shtatorit, por pa zbuluar ende datën. Pandemia ka shtyrë planet e dasmës, por tashmë është gjithçka gati.
“Unë i kam shpërndarë ftesat, kam filluar. Duhet të martoheshim në 2020, por kishim pandeminë. Është në fund të shtatorit por datën do e zbulojmë pak më vonë. Ta lëmë pak si telenovelë”, tregoi Armina.
Armina zbuloi se Vivienne Westwood ka qepur një fustan enkas për të. “Fustanet e shkreta kanë qenë që 2020. Njëri prej tyre është bërë nga një stiliste e imja e preferuar dhe është enkas për mua, nga Vivienne Westwood. Tjetri është bërë nga një stilist shqiptar”, tha Mevlani.
