Gjatë një interviste në “Natë me Aulonën”, gazetari Arian Çani foli për largimin e tij nga “TV Klan”, ku prej vitesh kishte emisionin e tij çdo të premte. Teksa moderatorja i tha se “ishte tronditës” lajmi se ai është larguar nga “TV Klan”, Ariani u shpreh se në fakt nuk ishte diçka edhe aq surprizuese.
Lajmi se emisioni i së premtes “Zonë e Lirë”, nuk do të transmetohet më në “TV Klan” bëri shumë bujë para pak muajsh. Gazetari nuk dha një arsye konkrete, por tha se ka raporte të mira me drejtuesit dhe televizionin. “Zonë e Lirë” deri tani ka ndërruar tre televizione. Mund të kisha ikur edhe para tre vjetësh nga “Klani”, nuk është se ka ndonjë problem për mua. Ajo është një fëmija im ai emision, kudo që shkoj ai emision jam unë. Nuk ka rëndësi shumë kanali. Nuk duhet të jetë tronditëse. Asnjë nga ne nuk është i pazëvendësueshëm. Tregun kudo që e lë mbushet nga dikush tjetër, mbushet mirë apo keq kjo është një histori tjetër. E kam zgjetur këtë periudhë sepse kam pasur shumë oferta”, tha Arian Çani në emisionin “Natë me Aulonën”.
“Në përgjithësi nuk kam folur asnjëherë kur jam shkëputur nga një vend dhe kam shkuar diku tjetër, nuk kam folur asnjëherë se pse e kam bërë. Kur krijon një marrëdhënie me një kanal/person, kur nuk jam më nuk i marr nëpër gojë.
Marrëdhëniet me ta janë shumë miqësore, janë arsye të dorës së tretë pse kam ikur. Ti Aulona më vjen mirë që je vetëm, ti je ndarë në mënyrë miqësore kurse unë e kam miqësi fake (fallco)”, tha Arian Çani, i cili tregoi edhe ofertat që ka pasur gjatë kësaj periudhe.
“Kisha një kërkesë nga “Topi” por nuk u bë. S’isha unë i bindur. Tani kam luksin ti jap kohë vetes të mos nxitohem”, tha Çani në “Natë me Aulonën”.
