Një çantë e dyshimtë ka alarmuar pasagjerët në terminalin e trageteve në Portin detar të Durrësit. Lajmi është konfirmuar nga policia vendore e Durrësit, ku bëhet me dije se kanë qenë forcat e sigurisë portuale që kanë konstatuar një çantë të zezë të braktisur, e cila ka qenë e dyshimtë dhe ka marrë vëmendjen e autoriteteve në port për verifikimin e saj.
Pas verifikimeve, ka rezultuar se valixhja ishte harruar nga një pasagjer dhe brenda kishte raki.
“Në përgjigje të interesit tuaj ju informojmë se në ambientet e jashtme të terminalit të pasagjerëve, mëngjesin e sotëm, janë konstatuar dy çanta të braktisura. Forca e Sigurisë Portuale Durrës, bashkë me qentë e kufirit dhe agjentët e Drejtorisë vendore të policisë, kreu me përpikmëri verifikimin e tyre. Nga verifikimi rezultoi se brenda çantave nuk ndodhej asnjë element rrezikshmërie (konkretisht brenda tyre ndodheshin mallra ushqimore)”.