Të paktën 14 persona kanë rënë në pranga të policisë italiane pasi trafikonin drogë me kamionë. Guardia di Finanza në Lecco në një operacion kundër trafikut të drogës ka shkatërruar një grup kriminal të përbërë nga shqiptarë dhe italianë, dhe vepronte në territorin e Lombardit, e cila i ishte dedikuar trafikut dhe shitjes së kokainës, shkruan erbanotizie.com. 
Droga vinte nga Spanja, Shqipëria dhe Holanda për në Itali, e cila sillej me kamionë, ku lënda narkotike fshihej në mes të mallrave. Automjetet e rënda që i përkasin një kompanie transportit në Canterbury-t, ku u arrestua pronari me origjinë shqiptare, shtetasi me inicialet N.F. lindur në 1962 banor në Monza, si dhe tre shoferë në mesin e tyre një 40-vjeçar me inicialet C.C. që jeton në Milano.
“Operacioni i quajtur “Ari i Bardhë”, ka shkatërruar një organizatë kriminale e cila merrej me trafikimin e lëndëve narkotike”, tha nënkolonel Anthony Gorgoglione, kreu i Policisë Ekonomike dhe Financiare të Guardia di Finanza në Lecco.
Të tjerët që u arrestuan ishin pjesë e rrjetit të asgjësimit të narkotikëve që ishte shtrirë në zonat e Lecco, Comos dhe krahinat e Monzës dhe Briancës, nëpërmjet një ‘pika shitjeje’ duke përfshirë vendet publike, shkruan Tirana Today.
E gjitha filloi në vitin 2015, me arrestimin e një shtetasi shqiptar me inicialet T.I. lindur në vitin 1985, i cili jeton në Monza, ai u ndal në Brescia me 20 kg kokainë dhe 200 mijë euro para të gatshme. Nga atje u zhvilluan hetime që i dërguan hetuesit në Lecco dhe Como, në zonën ku u arrestua shtetasi italian me inicialet M.C lindur 1985, që jetonte në Lecco dhe u zhvendos në vitet e fundit në Merone, dhe në korrik 2016 ai kishte tentuar t’u ikte nga duart karabinierëve duke hapur zjarr në drejtim të tyre.
Në provincën e Lecco u bë i mundur dhe arrestimi i një shqiptari me banim në Nibionno, i identifikuar me inicialet T.O. i lindur në 1983. Ai u arrestua në Verona.
Në Monza, janë arrestuar 6 shqiptarë:
Shqiptari me inicialet H.O i datëlindjes 1985;
Shqiptari me inicialet R.B lindur në 1971;
Shqiptari me inicialet S.G. i lindur në 1982;
Shqiptari me inicialet S.A. i lindur në 1980;
Shqiptari me inicialet T.I. (Indrit Taipi) lindur në vitin 1985;
Shqiptari me inicialet N.F. lindur në 1962;
Në Verona u arrestua shqiptari me inicialet T.O. i lindur në 1983;
Në Milano, u arrestua shqiptari me inicialet P.M. i lindur në 1975;
Në Como, u arrestua shqiptari me inicialet K.A. i lindur në 1977;
Në Savona, u arrestua shqiptari me inicialet T.F. i lindur më 1971).
Ndër të arrestuarit ishin dhe dy shtetasit italinë me inicialet C.A. banon në Novara dhe me inicialet M.C i lindur 1985.
Por, në pranga kanë rënë dhe dy shoferët e kamionëve, identitetet e të cilëve nuk janë bërë të ditur.
Ata u kapën me 950 kg që do ti kishte dhënë bandës rreth 35 milionë euro. TIRANA TODAY
