Humbja ndaj Kroacisë është cilësuar dramatike dhe një turp i madh në Argjentinë, pasi tani shanset për të vazhduar ëndrrën në Botërorë janë të pakta. Trajneri Sampaoli dhe lideri Messi nuk kanë bërë asgjë në këto dy ndeshje dhe ajo gafë e portierit e bëri më të rëndë për tifozët. E përditshmja “Ole” në Argjentinë nuk fal, me anë të penës së gazetarëve të specialistëve të saj kanë vendosur notat për të gjithë futbollistët e ndeshjes së sotme, ndërsa titulli i shkrimit të tyre ishte: “Jeni numër një, por vetëm në letër”.
“Ekipi jonë kombëtar ishte një fatkeqësi dhe me humbjen kundër Kroacisë është në prag të eliminimit ka Kupa e Botës. Messi nuk u shfaq, Caballero bëri një gabim të pafalshëm dhe Argjentina nuk punoi si ekip”, vijonte shkrimi, i cili më tej na njoh edhe me notat dhe përshkrimet e futbollistëve të sfidës së sotme.
1-Caballero–Bëri një gabim të tmerrshëm dhe të panevojshëm. E paharrueshme. Nuk ishte as në presion të jashtëzakonshëm. Një kancer që la në baltë ekipin dhe e çoi në prag të eliminimit. Fajtori më i madh.
3–Messi–I zhdukur nga fusha e lojës shumë kohë para gabimit të Caballero-s. Ai nuk ishte lideri që ishte i nevojshëm për këtë sfidë, kokëfortë dhe individualist. Nuk krijoi asgjë të re dhe nuk goditi asnjëherë portën, ndërsa dha pak për shokët e tij. Zhgënjimi më i madh.
3–Aguero–Pak pjesëmarrës, larg presionit. Asgjë për t’u shënuar.
Specialistët e “Ole” normalisht që nuk i “hanë hakun” kroatëve, ku kanë vlerësuar maksimalisht ekipin e Zlatko Daliç, ndërsa Modriç për ta ka qenë lojtari vendimtar dhe që ka marrë vëmendjen e duhur.
I vlerësuar me notën 9, ndërsa përshkrimi me fjalë i tyre është: “Figurë e madhe. Përherë dha pasën e saktë duke kërkuar që të shënonte dhe të bënte lojën perfekte. Në pjesën e dytë me klasin e tij dhuroi edhe një gol që i dha fund takimit. Lojtari që shkëlqeu duke i dhënë një shkëlqim kësaj ndeshjeje”.
