Ardian Çapja i cili mbeti i plagosur pas një atentati në banesën e tij në Elbasan, ndodhet i shtruar në spitalin e Traumës.
55-vjeçari mësohet se i është nënshtruar një ndërhyrjeje kirurgjikale, pasi dyshohet të ketë marrë një plumb në shpatull. Ndërkohë në spital janë shtuar edhe forcat e sigurisë.
“Në hyrje të spitalit ka edhe policë. Janë katër policë, që nuk lejojnë që në spital të hyjë ndonjë person që nuk ka mjet identifikimi apo që nuk është i shoqëruar. Edhe përpara spitalit janë dy automjete të policisë.
Edhe në ambientet e jashtme ndodhen familjarët. Ardjan Çapja është plagosur në shpatull. Heqja e plumbit shihet si operacion shumë delikat, por nuk i ka prekur pjesë jetësore”, raporton gazetarja e News24.
