Ish-ministri i Mbrojtjes dhe bashkëthemeluesi i PD-së, Arben Imami, në emisionin ‘Real Story’ të Sokol Ballës ka folur lidhur me protestat e opozitës. Ai është shprehur pro protestave, por vetëm nëse ato kanë një objektiv të qartë. Duke sjellë në fokus situatën kritike në të cilën ndodhet vendi, Imami tha se një pjesë të përgjegjësisë e ka edhe opozita.
“Bëhet shumë mirë që vazhdohet me protestat. E kam mbështetur që nga fillimi këtë lëvizje. Por kam frikë se protestat që nuk kanë një objektiv të qartë, mund të mos jenë rezultative, pavarësisht se vendi ndodhet në një situatë të keqe. Situatë për të cilën ka përgjegjësi dhe opozita”, tha ndër të tjera Arben Imami.
