Arben Ahmetaj ka bërë betimin ditën e sotme në Presidencë si Ministri i ri i Shtetit për Rindërtimin.
Pas ekzekutimit të himnit kombëtar dhe leximit të dekretit përkatës, Ahmetaj u betua se do të zbatojë me përpikmëri Kushtetutën dhe ligjet, si dhe do të kryej me përgjegjësi detyrën.
“Betohem në nderin tim, se do të zbatoj me përpikmëri Kushtetutën dhe ligjet, si dhe do të kryej me përgjegjësi detyrën shumë të rëndësishme që më është besuar, të anëtarit të Këshillit të Ministrave”, u shpreh ai.
