Nata finale e “Big Brother VIP” rezervoi emocione të forta që në fillim të spektaklit. Arbana Osmani dha lajmin e bukur që është shtatzënë për herë të tretë. Ajo tha se ky rrugëtim për të ka qenë një nga më emocionueset gjatë të gjithë përvojës së saj, ku e ka shoqëruar edhe një pritje e ëmbël.
Nuk kanë munguar duartrokitjet dhe urimet nga banorët e publiku, të cilët u lumturuan nga ky lajm i bukur nga moderatorja. Burime për “Kryefjala” bëjnë me dije se Arbana është në muajin e katërt të shtatzënisë, dhe është në pritje të një vajze.
View this post on Instagram
Mbrëmjen e djeshme, në “PRIME”-n e fundit të “BB VIP”, ajo i ka mahnitur të gjithë me pamjen e saj përrallore, e veshur me një kostum e më pas një fustan të kuq plot elegancë e me një varëse mahnitëse. Ajo ka zgjedhur kostumin Alexander McQueen që ka kushtuar plot 5050$, ndërkohë që varesja në formë gjarpri Roberto Coin kishte vlerën prej 10.500$.
View this post on Instagram
