Eduart Grishaj ka konfirmuar se së bashku me Arbanën do të jenë pjesë e festivalit të fundvitit. Ai për herë të parë si regjisor i këtij festivali, dhe ajo si moderatore. Arbana Osmani do të jetë prezantuesja e edicionit të 61-të të Festivalit të RTSH.
I ftuar në programin “Ditë pas dite”, Grishaj i është përgjigjur kureshtjes së moderatorëve se si ndihet për këtë hap të ri në karrierën e tij.
”E di si më duket, sikur luan me Tiranën apo Vllazninë dhe vjen një moment që luan me Kombëtaren. Ne jemi rritur me festivalin e fundvitit, i cili ishte i vetmi program që ne e prisnim dhe kam një ndjeshmëri të mirë për këtë gjë.
Mendoj që jemi bërë një grup që do japim maksimumin edhe duke ndryshuar disa gjëra që ne mendojmë se mund të ishim bërë më mirë, dhe që ne do të bëjmë një revolucion. Një nga elementët që ne mendojmë se mund të jetë interesant është votimi i publikut, pra do ta zgjedhë ai se cila këngë do të shkojë në Eurovision”, ka thënë Grishaj.
(Min 23:20)
Ndryshe nga vitet e kaluara, Festivali i 61-të i Këngës në RTSH vjen me një risi lidhur me këngën që do të përfaqësojë Shqipërinë në Eurovision, fituesi i së cilës do të zgjidhet me votat e publikut me anë të SMS-ve.
