Vendi i parë eksportues i hidrokarbureve në botë, Arabia Saudite, ka vendosur të ngrejë çmimet e naftës bruto për tregjet kryesore globale.
Kompania “Aramco” njofton se ky vendim është ndërmarrë në mënyrë që ky sektor të dalë nga kriza e shkaktuar nga pandemia.
Sipas kësaj kompanie, për muajin gusht një fuçi nafte për importuesit aziatikë do të kushtojë 1,2 dollarë më shtrenjtë, sesa standardi i brutos në Lindjen e Mesme. Ndërsa për SHBA rritja do të jetë akoma edhe më e lartë, duke shkuar deri në 1,65 dollarë për fuçi.
Çmime më të larta do të aplikohen edhe për blerësit e naftës bruto nga Evropa veriperëndimore. Ndërsa për rajonin e Mesdheut, që janë më të prekurit prej pandemisë, kostot do të ulen me më shumë se 1 dollar fuçia.
