Ministria Saudite ka bërë një ndryshim të madh që pritet të sjellë një frymë emancipimi dhe zhvillimi në popullatën e saj. Gratë dhe burrat do të përdorin të njëjtat porta hyrje nëpër restorante. Ky vendim i tyre vjen për të lehtësuar rregullat e rrepta sociale që kanë qenë në fuqi në mbretërinë saudite për dekada të tëra.
Rregulla të tilla kanë pasur një ndikim shumë negativ sidomos te gratë, të cilave u kërkohej të përdornin hyrje të veçanta nëpër restorante që të mos shiheshin nga burrat beqarë.
Për dekada të tëra ka qenë e e ndaluar rreptësisht që burrat dhe gratë e palidhur të përzihen në publik. Gratë gjithashtu duhet të kërkojnë leje nga kujdestari i tyre ligjor – zakonisht një anëtar mashkull i familjes ose burri – për vendime të rëndësishme të jetës.
Nën kujdesin e princit të Kurorës, Mohammed bin Salman, ka pasur disa lehtësime përsa i përket rregullave të tilla strikte. Ai ka propozuar disa reforma për të zvogëluar fuqinë e policisë fetare.
Në vitin 2018, grave iu lejua e drejta e makinës dhe hoq dhe një ndalesë tjetër. Atyre u dha e drejta të aplikonin për pasaportë dhe të udhëtonin jashtë pa marrë më parë lejen e kujdestarit të tyre mashkull.
