Partia Socialiste do të shprehet nesër zyrtarisht se çfarë vendimi do të merret për deputetin Orlando Rakipi, babai i të cilit, ish-deputeti Aqif Rakipi u shpall “non grata” nga SHBA-ja.
“Unë u kam thënë se do të kem një komunikim pas mbledhjes së grupit të PS-së”, tha Balla.
Katër ditë më parë, Ornaldo Rakipi zgjodhi foltoren e Kuvendit, për të treguar se do të apelojnë vendimin e Departamentit Amerikan të Shtetit. Ai thotë se ky vendim është i padrejtë, dhe se babai i tij po bën gjithçka për të vendosur në vend drejtësinë.
Ish-deputeti i Elbasanit, Aqif Rakipi u shpall “non grata” nga Shtetet e Bashkuara të Amerikës, në 11 prill 2022. Aqif Rakipi akuzohet nga SHBA si person që kërcënon stabilitetin e Shqipërisë përmes korrupsionit, aktivitetit kriminal dhe sjelljeve të tjera destabilizuese të vendit.
