Ministrja e Shëndetësisë, Ogerta Manastirliu ka publikuar një video sensibilizuese një ditë para se në Shqipëri të hyjë në fuqi vendimi për mbajtjen me detyrim të maskës në ambiente të hapura apo të mbyllura.
Sipas saj, mbajtja e maskës nuk i jep mundësi virusit të rrezikshëm të përhapet dhe të dëmtojë shëndetin e njerëzve.
Manastirliu thotë se maska duhet bërë zakon i përditshëm dhe askush nuk duhet ta harrojë kur del nga shtëpia.
”Bëjeni maskën zakon të përditshëm për të mos i dhënë mundësi virusit të rrezikshëm të përhapet e të bëjë dëm në shëndetin tuaj dhe të njerëzve që keni për zemër. Është koha për solidaritet, për të mbrojtur më të dobtit. Mos e harroni maskën kur dilni nga shtëpia! Me kujdes çdo ditë, e mundim koronavirusin!’’, shkruan Manastrliu në Facebook.
