Presidenti i Kosovës, Hashim Thaçi, kreu i PDK, Kadri Veseli dhe 9 ish-luftëtarë të UÇK-së do të përballen me akuzat e Prokurorisë Speciale. Thaçi, Veseli dhe luftëtarët e tjerë akuzohen për më shumë se 100 vrasje të paligjshme gjatë luftës në Kosovë.
Politika në Shqipëri dhe Kosovë u bë njësh, dhe të gjithë i dolën në mbrojtje ish-ushtarëve të UÇK-së. Publikimi i aktakuzave solli dhe anulimin e dialogut në Shtëpinë e Bardhë.
Sakaq, bëhet me dije se Presidenti Hashim Thaçi nuk është kthyer dje në Kosovë nga Austria, ku iu desh të ndërpriste udhëtimin për në Shtetet e Bashkuara, pasi Prokuroria Speciale publikoi aktakuzën ndaj tij.
Aeroporti ‘Adem Jashari’ në Prishtinë është i mbyllur për shkak të pandemisë, ndaj nuk ka informacion për mbërritjen e Thaçit, raporton “Top Channel”.
