Mesditën e sotme, një anije me 18 persona në bord u bllokua në ishullin e Sazanit. Bëhet me dije se anija pasi është larguar nga bregu, ka pësuar defekt dhe është bllokuar.
Më pas ekuipazhi i anijes ka kërkuar ndihmë, dhe rojet bregdetare janë afruar.
Pasagjerët u transportuan në Vlorë me anë të një tjetër anije, ndërsa e bllokuara mbeti në mes të detit. Por situata i është rikthyer normalitetit pas tre orësh punë. Defekti është riparuar dhe mjeti ka filluar të lëvizë sërish.
