Udhëheqësit botërorë të kombeve të industrializuara të G7-ës janë të gatshëm të angazhohen në samitin e tyre për të shpërndarë të paktën 1 miliard doza vaksinash në vendet e varfra në të gjithë botën me gjysmën e dozave që do të vijnë nga SH.B.A dhe 100 milion nga Mbretëria e Bashkuar.
Premtimet për shpërndarjen e vaksinave nga Presidenti Joe Biden dhe Kryeministri Britanik Boris Johnson vendosën bazën për takimin e udhëheqësve të G-7-ës në Angli, ku udhëheqësit do të mbajnë fjalimet e tyre hapëse sot, të premten.
“Ne do të ndihmojmë në nxjerrjen e botës nga kjo pandemi duke punuar së bashku me partnerët tanë globalë”, tha Biden, duke shtuar se kombet e G-7-ës do të bashkohen me Shtetet e Bashkuara në angazhimin e tyre për dhurimin e vaksinave gjatë samitin tre-ditor. G-7-a përfshin gjithashtu Kanadanë, Francën, Gjermaninë, Italinë dhe Japoninë./AP
