Angelina Jolie së fundmi ka treguar arsyen e ndarjes nga Brad Pitt.
Ajo rrëfeu se u nda për të mirën e gjashtë fëmijëve të tyre.
Si rrallëherë, ylli i filmave ka folur për arsyet e divorcit gjatë një interviste për “Vogue”:
“Ishte vendimi i duhur! Unë vazhdoj të jem e fokusuar tek shërimi i tyre. Disa e kanë parë si avantazh heshtjen time dhe fëmijët dëgjojnë shpesh gënjeshtra nëpër media rreth tyre, por unë kujdesem t’i kujtoj se janë ata që i dinë të vërtetat e tyre”.
Aktorja i përshkroi fëmijët e saj si “të mençur, të zotë dhe të rinj të fortë”.
Kujtojmë se para se të bëhej nënë e tre fëmijëve më të vegjël, Shiloh 12, dhe binjakët Knox dhe Vivienne 11, Jolie kishte adoptuar Maddox 18 vjeç, Pax, 16 dhe Zahara, 15.
