Anëtarësia e Partisë Demokratike në qarkun e Korçës, ka ‘eliminuar’ Klevis Balliun, duke mos e përzgjedhur si kandidat për deputet në zgjedhjet e 25 prillit.
Sot anëtarësia e PD ka votuar për kandidatët që do të kalojnë në fazën tjetër për përzgjedhjen e kandidatëve për deputet, në zgjedhjet e 25 prillit.
Ky është një rezultat surprizë, duke marrë parasysh faktin se Klevis Balliu është një nga zërat më aktivë në PD. Ai ka qenë ndër personazhet e PD-së që ka luftuar për çështjen e Astirit, e madje ka patur përballje të forta me policinë.
Mes të eleminuarve është edhe ish-kreu i Bashkisë së Pogradecit, Eduart Kapri, që nuk ia ka dalë të fitojë besimin e anëtarësisë. Lista e kandidatëve të përzgjedhur, ende nuk është bërë e ditur.
