Ambasadorja e re e SHBA-së në Shqipëri, Yuri Kim ka zhvilluar sot një takim me krerët e institucioneve të reja të drejtësisë, konkretisht me kreun e Prokurorisë së Përgjithshme Olsian Çela dhe me kreun e KLP-së Gent Ibrahimi.
Në fokus të takimit ka qenë vijimi i reformimit të organeve të drejtësisë, i njohur ky gjerësisht si një investim amerikan në Shqipëri. Nga informacionet paraprake, ajo u ka kërkuar drejtuesve të organeve të reja të vijojnë punën për plotësimin e reformës dhe ngritjen sa më shpejtë të BKH-së.
